ការបើកសាលា ឬថ្នាក់មត្តេយ្យសិក្សាឯកជន (កម្មវិធីជាតិ)

គោលបំណង៖

ផ្តល់ភាពស្របច្បាប់ដល់ម្ចាស់អាជីវកម្ម និងការពារផលប្រយោជន៍របស់ប្រជាជនដែលទៅរកសេវាកម្ម ផលិតផលនៃអាជីវកម្មនោះ។

ស្តង់ដារសេវា៖

ការបើកសាលា ឬថ្នាក់មត្តេយ្យសិក្សាឯកជន (កម្មវិធីជាតិ)

• តម្លៃសេវាជាក់លាក់ ៖ ២០០ ០០០ រៀល ក្នុង ១ច្បាប់
• រយៈពេលអតិបរមា ៖ ២០ថ្ងៃ (ថ្ងៃធ្វើការ)
• សុពលភាព ៖ ០៥ឆ្នាំ

តម្រូវការឯកសារ ដើម្បីទទួលបានសេវា៖

ដើម្បីទទួលបានសេវាការបើកសាលា ឬថ្នាក់មត្តេយ្យសិក្សាឯកជន (កម្មវិធីជាតិ) អ្នកប្រើប្រាស់សេវាត្រូវយកភ្ជាប់ជាមួយ រួមមាន ៖

• អត្តសញ្ញាណប័ណ្ណ ឬលិខិតឆ្លងដែនរបស់អ្នកស្នើសុំថតចម្លងចំនួន ១ច្បាប់
• ប្លង់បង្ហាញទីតាំងអាជីវកម្ម ចំនួន១ច្បាប់
• រូបថត 4×6 ចំនួន៣សន្លឹក
• សំណុំឯកសារពាក់ព័ន្ធនានា ចំនួន១ច្បាប់

នីតិវិធីនៃការផ្ដល់សេវា៖

នីតិវិធីនៃការផ្តល់សេវាក្នុងការបើកសាលា ឬថ្នាក់មត្តេយ្យសិក្សាឯកជន (កម្មវិធីជាតិ) មានចំនួន ១៦ដំណាក់កាលដូចខាងក្រោម ៖

• ១. អតិថិជនដាក់ពាក្យស្នើសុំសេវានៅមន្ត្រីផ្តល់ទទួលព័ត៌មានដែលនៅផ្នែកជួរមុខ
• ២. អតិថិជនទទួលបង្កាន់ដៃទទួលពាក្យពីមន្ត្រីផ្តល់ព័ត៌មាន
• ៣. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅបេឡាករ
• ៤. អតិថិជនអញ្ជើញទៅបងប្រាក់ថ្លៃសេវានៅបេឡាករ
• ៥. អតិថិជនទទួលបង្កាន់ដៃបង់ប្រាក់ថ្លៃសេវា
• ៦. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅប្រធានការិយាល័យ
• ៧. ប្រធានការិយាល័យបញ្ជូនទៅមន្ត្រីបច្ចេកទេសដែលនៅផ្នែកជួរក្រោយ
• ៨. មន្ត្រីបច្ចេកទេសធ្វើដំណើរទៅទីតាំងស្នើសុំដើម្បីពិនិត្យ និងវាយតម្លៃ
• ៩. មន្ត្រីបច្ចេកទេសត្រូវធ្វើរបាយការណ៍បន្ទាប់ពីពិនិត្យ និងវាយតម្លៃរួច
• ១០. បញ្ជូនរបាយការណ៍មកប្រធានការិយាល័យ
• ១១. ប្រធានការិយាល័យដាក់របាយការណ៍ជូនអភិបាលរងដើម្បីពិនិត្យ និងសំរេច
• ១២. បន្តដាក់របាយការណ៍ជូនអភិបាលដើម្បីពិនិត្យ និងសំរេចចុងក្រោយ
• ១៣. មន្ត្រីរដ្ឋបាលក្រុង ស្រុក ខណ្ឌ ធ្វើការចុះលេខ
• ១៤. បញ្ជូនអាជ្ញាប័ណ្ណទៅប្រធានការិយាល័យបន្ទាប់ពីចុះលេខរួច
• ១៥. បញ្ជូនអាជ្ញាប័ណ្ណបន្តទៅមន្ត្រីផ្តល់ទទួលព័ត៌មានដែលនៅផ្នែកជួរមុខ
• ១៦. ផ្តល់អាជ្ញាប័ណ្ណដែលជាលទ្ធផលជូនអតិថិជន។